2 years ago
By Maonyo 10 Unayotakiwa Kuyazingatia Kibiblia
Katika injili, mara nyingi Yesu alikuwa akionya umati juu ya mafundisho ya uharibifu ya Mafarisayo (Mathayo 5:20, 16: 6).
Wanafunzi wa Yesu walifuata nyayo zake kwa kutoa maonyo zaidi kwa waumini katika sehemu zingine za Agano Jipya. Ingawa maonyo hayo hayawezi kusababisha matokeo chanya kila wakati, mara nyingi maonyo hayo hutumika kutuepusha na shida na maumivu yasiyofaa.
Kitendo cha kuwaonya wengine ni upendo ikiwa tunajua kuwa kitendo au mazoezi fulani ni hatari, basi jambo lisilo la upendo ambalo tunaweza kufanya ni kukosa kuwaonya wengine juu yake.
Hapa kuna maonyo 10 kutoka kwenye Biblia ambayo tunapaswa kuyazingatia na uwashirikishe na wengine:
1. Usiwe Mzembe(Mvivu)
Imani inayookoa siku zote ni ile imani inayofanya kazi. Uvivu hauna nafasi katika maisha ya Mkristo. Katika kitabu cha Warumi 12:11, Paulo anaamuru kanisa lisiruhusu bidii yao iwe bila matendo. Bidii bila matendo inachafua utukufu wa Kristo na haitimizi chochote. Ili kuepuka hili lazima tujitahidi kuacha uvivu katika kujipenda kwetu, kumtumikia Kristo na wengine.
2. Epuka vishawishi vya Kingono
Mithali 5 inaonya watu juu ya hatari inayohusiana na vishawishi vya ngono. Vishawishi vya ngono havipaswi kuchokozwa au kuchochewa na mtu yeyote. Mithali 5: 5, zinaa siku zote “husababisha kifo.” Lazima tuepuke vishawishi kama hivyo vya kingono ili tusipotee na “kufa kwa sababu ya kukosa nidhamu” (Mithali 5:23).
3. Kutokutubu Dhambi Zako
Sote tunapaswa kutubu dhambi ambazo tumefanya, Toba ni tendo la kuachana na dhambi kuelekea kwa Mungu kwa msamaha na nguvu kwa maisha ya haki. Yesu anamwita kila mtu atubu dhambi zake (Marko 1:15), akituonya kwamba kutokutubu dhambi kutasababisha hukumu ya haki kwetu.
4. Kuyaacha Yasiyofaa
Njia moja rahisi ya kumtenda Mungu dhambi ni kwa kutenda au kunena yasiyofaa. Tunaonywa katika 1 Petro 2:1 kwamba mambo yote yenye uharibifu na yasiyo na na ukombozi kwa wengine, lazima yaachwe kati ya waamini. Kitabu cha Yakobo kinatoa maelezo zaidi juu ya hitaji la waamini kumheshimu Mungu na wale ambao wameumbwa kwa mfano wake (Yakobo 3: 1-12).
5. Kujiweka mbali na tamaa za ujana.
Tunapaswa kukimbia tamaa za ujana kwa kuwa mara nyingi zinatuzuia kutimiliza mapenzi kamili ya Mungu kwa maisha yetu katika Kristo Yesu. 2 Timotheo 2: 2).
6. Ishi Maisha ya kumcha Mungu
Toba sio jambo la wakati mmoja. Badala yake, toba ni kukataa kabisa kuishi maisha yasiyomcha Mungu. Wakristo hawapaswi kurudi nyuma katika dimbwi la dhambi ambalo Mungu amewaokoa. Tumepokea Roho wa Mungu ili tusiwe tena wadeni wa mwili (Warumi 8: 12-17). Kwa hiyo, Paulo anatafundisha kwamba sisi ambao tumeipokea Neema ya Mungu katika Kristo Yesu lazima tujikane kwa kumcha Mungu kuishi maisha ya busara na ya haki mbele za Mungu (Tito 2: 12-13).
7. Acha Kuiba
Watu wengi hawajifikirii kama wao ni wezi. Walakini, watu wengine huwaibia wengine bila hata kujua. Wakati mtu anapakua programu kwenye intanet bila kuilipia, anasikiliza muziki ambao ulinakiliwa kutoka kwenye chanzo chenye hakimiliki, au hafanyi kazi kwa bidii kazini kwake, anaiba vitu kutoka kwa mtu mwingine. Kama Wakristo, tumeamriwa “kuacha wizi,” na, badala yake, tufanye kazi ili tupate vitu tunavyohitaji katika maisha haya (Waefeso 4:28). Kwa kufanya hivyo, tunaonyesha utu wa kazi na kuonyesha heshima kwa kazi ya wengine.
8. Mpinge Ibilisi
Yakobo 4: 7 inawaamuru Wakristo “kumpinga shetani” ili “akimbie.” Wakati wengine wanaweza kusita kumpinga shetani kwa kutokufahamu, ukweli unabaki kuwa shetani ni kama “simba anayenguruma, anayetembea huku na huku akitafuta kutuangamiza” (1 Petro 5: 8). Moja ya mambo mabaya zaidi kwa shetani ambayo Mkristo anaweza kufanya ni kupuuza matishio ambayo shetani hutuletea. Tunapaswa kumpinga shetani na “kumkaribia Mungu siku zote.”
9. Mhofu Bwana
Uaminifu mkubwa wa Mkristo ni lazima uwe kwa Mungu peke yake. Hii ndio sababu mwandishi wa Waebrania anaonya wasikilizaji wake “kumtumikia Bwana kwa hofu” (Waebrania 12:28). Kama vile mtoto anapaswa kuwa na hofu nzuri ya nidhamu kwa wazazi wake, ni sawa na ni nzuri pia kuwa na hofu nzuri ya Baba yao wa Mbinguni. Sisi, kama Wakristo wa Filipi, tumeitwa na Mungu kutekeleza wokovu wetu kwa “hofu na kutetemeka” (Wafilipi 2:12) mbele za Mungu, ambaye ndiye Mwanzilishi na Mkamilishaji wa imani yetu.
10. Jinyenyekeze mbele za Mungu
Wafilipi 2: 3 inatuelekeza “tusifanye chochote kinachochochewa na ubinafsi,” lakini kwa “unyenyekevu tuwaone wengine ni watu muhimu zaidi.” Vivyo hivyo, Yakobo 4: 7 na 10 hutufundisha juu ya kujitiisha kwa Mungu na kujinyenyekeza mbele zake ili tuweze kuinuliwa na Bwana.
1 Petro 5: 5-6 inaunga mkono maagizo sawa na ahadi ya Mungu kwamba “huwapa neema wanyenyekevu.” Haijalishi tupo katika katika hali gani, Lazima tuwe na unyenyekevu mbele za Mungu kila wakati tusijiinue. Ikiwa Mungu anataka kutuinua basi hiyo iwe ni juu yake kulingana na mapenzi yake. Wajibu wetu kwake ni kuwa wanyenyekevu siku zote.
